நித்தியானந்த சாமிகளின் மசாஜ் வீடியோ வெளியீடு

இதை நீங்கள் வது நபராக வாசிக்கிறீர்கள்

  நித்யானந்தாவின் காவி உடைகளை கழற்றிவிட்டு அவரது உடல் முழுவதும் எண்ணெய் தடவி நடிகை ரஞ்சிதா மசாஜ் செய்வது போன்ற படங்கள் தற்போது வெளியாகியிருப்பது பரபரப்பை ஏற்படுத்தியுள்ளது. இருவரும் நெருக்கமாக இருக்கும் வீடியோ காட்சிகள் 3 மாதங்களுக்கு முன்பு எடுக்கப்பட்டவை என்ற புது தகவலும் வெளியாகியுள்ளது. உலகம் முழுவதும் தியான வகுப்புகள், சொற்பொழிவுகள் நடத்திவந்தவர் நித்யானந்தா. இவரது ஆன்மீக கட்டுரைகள், பேச்சுக்கள் வார இதழ், டிவிக்களிலும் வெளியாகிவந்தன. 30&க்கும் அதிகமான நாடுகளில் 1,200&க்கும் அதிகமான இடங்களில் ‘நித்யானந்த தியான பீடம்’ என்ற பெயரில் ஆசிரமம் நடத்தி வந்தார். இவரும் நடிகை ரஞ்சிதாவும் படுக்கை அறையில் நெருக்கமாக இருக்கும் காட்சிகள் சமீபத்தில் வெளியாயின. இது அவரது பக்தர்கள், பொதுமக்கள் மத்தியில் பெரும் கொந்தளிப்பை ஏற்படுத்தியது. பெங்களூரில் உள்ள தலைமை ஆசிரமம், தமிழகத்தின் பல பகுதிகளிலும் உள்ள நித்யானந்தா ஆசிரமங்களை மக்கள் சூறையாடினர். மோசடி, பலாத்காரம் உள்பட நித்யானந்தா மீது 6 வழக்குகள் பதிவு செய்யப்பட்டன. இந்நிலையில், அதே படுக்கை அறையில் நித்யானந்தாவுக்கு நடிகை ரஞ்சிதா எண்ணெய் தேய்த்து மசாஜ் செய்துவிடுவதுபோன்ற புதிய படங்கள் தற்போது வெளியாகியுள்ளன. அறைக்குள் நித்யானந்தா நுழைகிறார். சிறிது நேரத்தில் ரஞ்சிதாவும் வருகிறார். சாமியின் தோளில் கிடந்த துண்டை எடுத்துவிட்டு பிறகு சட்டையையும் கழற்றிவிடுகிறார். வெறும் வேட்டியுடன் நித்யானந்தா உட்கார்ந்திருக்க அவரது உடல் முழுவதும் எண்ணெய் தேய்த்து ரஞ்சிதா மசாஜ் செய்கிறார். இவ்வாறு வரிசையாக படங்கள் வெளியாகியுள்ளன. இந்த படுக்கை அறை காட்சிகள் கடந்த டிசம்பர் 25&ம் தேதி காலை நேரத்தில் எடுக்கப்பட்டது காட்சியில் உள்ள நேரத்தில் தெரிகிறது. நித்யானந்தாவிடம் இருந்து கொலை மிரட்டல் வந்ததாக சேலம் மாஜி தொழிலதிபரும் நித்யானந்தாவின் முக்கிய சீடருமான லெனின் என்ற நித்ய தர்மானந்தா சில நாட்களுக்கு முன்பு சென்னை போலீஸ் கமிஷனரிடம் புகார் மனு கொடுத்தார். நித்யானந்தாவின் மோசடியை அம்பலப்படுத்தவே வீடியோ ஆதாரங்களை வெளியிட்டதாக பேட்டியளித்தார். இந்த வீடியோ காட்சிகள் கடந்த டிசம்பர் 23, 24, 25&ம் தேதிகளில் எடுக்கப்பட்டதாகவும் வார இதழ் ஒன்றுக்கு அளித்துள்ள பேட்டியில் லெனின் கூறியுள்ளார். ஓரிரு நாளில் நித்யானந்தா நேரில் வந்து விளக்கம் அளிப்பார் என்று ஆசிரம நிர்வாகிகள் 2 நாட்களுக்கு முன்பு தெரிவித்திருந்தனர். இதுவரையில் அவரது இருப்பிடம் குறித்து எந்த தகவலும் இல்லை. தொடர்ந்து தலைமறைவாக இருக்கும் நித்யானந்தாவை தமிழக, கர்நாடக போலீசார் தீவிரமாக தேடி வருகின்றனர். கேரளாவில் பதுங்கியிருக்கலாம், ஹரித்வார் கும்பமேளாவுக்கு சென்றிருக்கலாம் என்று தகவல்கள் வெளியானதால் அங்கும் தீவிர தேடுதல் வேட்டை நடந்து வருகிறது. ரஞ்சிதா கடத்தப்பட்டதாக வெளியான தகவல் குறித்தும் போலீசார் தீவிர விசாரணை நடத்தி வருகின்றனர்.